मुख्य खबर
तनहुँमा मोटरसाइकल दुर्घटना हुँदा दुई जनाको मृत्यु
भानु नगरपालिका–१० तल्लो मैदानमा मोटरसाइकल दुर्घटना हुँदा दुई जनाको मृत्यु भएको छ।
आइतबार बिहान हटियाबाट चिसापानीतर्फ जाँदै गरेको ग १९ प ८०६५ नम्बरको मोटरसाइकल चालकले नियन्त्रण गुमाउँदा सडकबाट करिब १० मिटर तल खसेको थियो। दुर्घटनामा भानु–१० का करिब ४५ वर्षीय चालक शंकर पाण्डे र मोटरसाइकलमा पछाडि सवार ६५ वर्षीय टंकनीति पाण्डे घाइते भएका थिए।
उनीहरूलाई उपचारका लागि क्रमशः भरतपुर र बेँसीसहर पठाइएकोमा दुवै जनाको मृत्यु भएको प्रहरीले जनाएको छ।
